Карганбек Самаков Ат-Башы районундагы өрттөнүп кеткен балдар бакчасына жардам берди

Жогорку Кеңештин депутаты Карганбек Самаков Нарын облусундагы Ат-Башы районунун Кара-Суу айылында болуп, март айынын башында өрттөнүп кеткен балдар бакчасына жардам берди. Бул тууралуу бүгүн, 6-майда ЖКнын басма сөз кызматы билдирет. Жардам катары эл өкүлү жууркан-төшөгү менен 50 керебет жана DVD, плазмалык телевизор берген. Ошондой эле оюнчуктун түрлөрү жана таттуу даамдар да тапшырылган.