Жеки Чан: "Азыркы жубайым Линь Фэнцзяого менден кош бойлуу болгону үчүн гана үйлөнгөм"

Атактуу кытайлык актёр Жеки Чан азыркы жубайы Линь Фэнцзяого мажбур болгону үчүн, тагыраагы, ал кош бойлуу болуп калгандыктан үйлөнгөнүн 2015-жылы маалымат каражаттарынын бирине берген интервьюсунда билдирген. Бул интервьюсу тууралуу бүгүн, 11-апрелде чет элдик басылмалар жазып чыгышты.

Актёр 2 жыл мурунку интервьюсунда: "Эч качан Линге үйлөнөм деп ойлогон эмесмин. Жейсинин (уулу) келечеги үчүн гана ага баш кошууга туура келди", - деп айткан. Ошондой эле актёр жаш кезинде сүйлөшкөн кыздарынын көп болгонун, Линь экөөнүн ортосундагы сүйүү романынын көп жыл мурун эле бүткөнүн кошумчалаган.

Белгилей кетсек, 2014-жылдын сентябрында уулу Жейси Чан маңзат менен кармалып, 2015-жылдын январь айында 6 айга эркинен ажыратылган. Кытайда баңгизаты менен күрөшкөн коомдук активист катары саналган Жеки Чан социалдык тармактагы баракчасы аркылуу уулунун кармалганы боюнча элден кечирим сураган.