ЖЫЛНААМА, 16-АПРЕЛЬ: Ырчы Сема "туулган күнүмө балдарым сюрприз кылып кубантышты" дейт

Ырчы Сема (Самарбек Арзыматов) бүгүн, 16-апрелде 37 жашка чыкты. Аны куттуктап байланышсак, SUPER.KG порталына ыраазычылыгын билдирип, туулган күнү жакшы маанайда башталганын билдирди.

"Туулган күнүм менен биринчи болуп келинчегим саат 00:00дө куттуктап, саркеч кийим белекке берди. Ал эми жумуштан келсем, балдарым торт, шариктер менен тосуп алышты. Алардын сюрпризин көрүп кубандым, мен үчүн өзгөчө белек болду", - дейт ырчы.

Белгилей кетсек, Самарбек Арзыматов 1980-жылы 16-апрелде Ош облусуна караштуу Кара-Кулжа кыштагында төрөлгөн. 1995-жылы Ниязалы атындагы музыкалык окуу жайга тапшырып, аны 1999-жылы аяктаган. Алгач сахнага 2002-жылы "Ой, тобо" ыры менен чыккан. 2003-жылы бир тууганы Жанарбек Арзыматов менен бирге "Сема" тобун түзгөн. Топ 2007-жылга чейин иштеп, кийин жоюлуп кеткен. Ошол убактан баштап Сема жеке ырчы катары чыга баштаган. Ырчы 2010-жылы "Маданияттын мыкты кызматкери" төш белгиси менен сыйланган.

16-апрелге карата жылнаама.