Өлкөдөгү мыкты клубдар жана китепканалар аныкталды

Маданият, маалымат жана туризм министрлигинин башчысы Түгөлбай Казаков “Эң мыкты клуб” жана “Эң мыкты китепкана” наамына татыктуу болгондорду сыйлады. Бул тууралуу аталган мекеменин басма сөз кызматы билдирди.

Маалыматка ылайык, “Эң мыкты клуб” наамына төмөнкүлөр татыктуу болду:

• Баткен облусунун Лейлек районунун Тогуз-Булак айыл өкмөтүндөгү Кара-Булак айылынын маданият үйү,
• Жалал-Абад облусунун Аксы районундагы Кашка-Суу айылынын маданият үйү,
• Токтогул районундагы Саргата айылынын К.Жаманбаев атындагы маданият үйү.

Ал эми “Эң мыкты китепкана” наамын төмөнкүлөр алышты:

• Баткен районунун Бүжүм айылынын китепканасы,
• Жалал-Абад облустук китепканасы,
• Токтогул Сатылганов атындагы Ош облустук китепканасы.

Белгилей кетсек, республикалык кароо-сынакка жалпысынан 704 клуб жана 1061 китепкана катышкан.