Жогорку Кеңештин 2 комитети өкмөттүн 2016-жылкы ишин талкуулайт

Жогорку Кеңештин Бюджет жана финансы, Экономикалык жана фискалдык саясат комитеттери бүгүн, 24-апрелде өкмөттүн 2016-жылкы иши жөнүндө отчётун угат. Комитеттин отурумуна биринчи вице-премьер-министр Мухаммедкалый Абылгазиев баштаган өкмөт мүчөлөрү, өкмөттүк түзүмдөгү мекемелердин жетекчилери катышат.

Чиновниктер депутаттардын суроолоруна жооп беришип, мындан ары эмне иштер жасаларын айтышмакчы. Өкмөттүн жылдык ишин буга чейин парламенттеги башкаруучу коалиция менен "Республика - Ата Журт" фракциясы "канааттандырарлык" деп тапса, "Ата Мекен" фракциясы "канааттандырарлык эмес" деп баалаган.