Борбор калаада алгачкы Бишкек маданий форуму өткөрүлөт

Борбор калаада 27-апрелден 2-майга чейин биринчи Бишкек маданий форум өтөт. Бул тууралуу бүгүн, 26-апрелде маалымат жыйында уюштуруучулар билдиришти.

"Бишкек маданий форумга дүйнөдөгү 24 өлкө: Орусия, Казакстан, Армения, Азербайжан, Украина, Словакия, Италия жана башка мамлекеттер чакырылган. Иш-чара кыргыз маданиятын расмий эл аралык уюмдардын жана дүйнөнүн улуттук маданиятынын алкагында көрсөтүүгө багытталган. Алгачкы жолу дүйнөлүк практикада бир коммуникациялык майданда дүйнөнүн фольклор жана профессионал классикалык искусствонун өкүлдөрү жолугушат", - дешет уюштуруучулар.

Форумдун алкагында түрдүү өлкөдөн келген өкүлдөр доклад, сессия, презентация жасашып, дүйнөлүк алкакта өз ара баарлашуу, өнүгүү темалары боюнча талкуу жүргүзүшөт.