Египеттик сүрөтчү узундугу 700 метрди түзгөн Куран китебин колго жазып чыкты

Египеттик Саад Мохаммед аттуу сүрөтчү узундугу 700 метрди түзгөн Куран китебин колго жазып чыкты. Бул тууралуу чет элдик басылмалар жазышты. Маалыматка караганда, бул эмгеги менен "Гиннесстин рекорддор китебине" кирүүнү көздөгөн сүрөтчү аны жаратуу үчүн 3 жылын короткон.

"Мындай узундуктагы Куранды жазып чыгууга, албетте, көп кагаз керектелет. 3 жыл бою долбоорду өзүм каржыладым", - дейт сүрөтчү.

Дүйнөлүк рекорддор жыйнагынын өкүлдөрү белгилегендей, бүгүнкү күндө көлөмү эң чоң Куран китебинин басылып чыккан варианты боюнча номинация бар. Ал эми колго жазылган Куран китеби боюнча рекорд койгон адам азырынча жок.