СУПЕРСТАН: "Алтын топту" быйыл Буффон албаса, бул сыйлыкты жоюп салыш керек"

SUPER.KG порталынын "Суперстан" бөлүмүндө "Футбол. "Алтын топ" сыйлыгы" деген тема талкууга алынууда.

Темадагы билдирүүлөрдөн:

"Гризманнга же Дибалага бергиле эми "Алтын топту". Месси да, Роналду да быйыл ала алышпаса керек".

"Алтын топ" дегенди жок кылыш керек. Футбол - бул командалык оюн, бир адамды жылдыз кылып алган туура эмес, анан да калыстык менен берилбейт. Месси менен Роналду экөө эле бөлүшүп жатышат, эгер ошондой эле кыйын болушса, аутсайдер командаларга барып, алдыга алып чыгышсынчы".

"Быйыл Буффон алса жакшы болот. Яшинден кийинки болуп тарыхта калмак эле. Ал үчүн Чемпиондор Лигасын утуш керек".

"Алтын топтун" баркы кетти. 2010-жылы Хави, 2012-жылы Иньеста, 2013-жылы Рибери, 2014-жылы Нойер, 2015-жылы Неймар, 2016-жылы Гризманн алганда "Алтын топ" барктуу болуп, быйыл күрөш кызыктуу жүрмөк. Месси, Роналду менчиктеп алганы бул сыйлыктын кадырын кетирди. Быйыл Буффон албаса, бул сыйлыкты жоюп салыш керек".

"Мессиге караганда Роналдуда мүмкүнчүлүк көп. Себеби Рон чейрек финал, жарым финалдарда "пачкалап" гол согуп, дүйнөлүк медиада жакшы эле пиар болду. Дагы финалда өзүн көрсөткөнгө мүмкүнчүлүгү бар. Анан курама командасы менен Кубокто да жакшы оюн көрсөткөнгө болот".

"Эки оюнга эле "Алтын топ" бере берсе болмок беле? Анын жарымы офсайддан, жарымы бош дарбазага Марсело, Карвахал, Рамостор салып берген голдор, өзү эмгек кылып киргизе алган жок. Быйыл Рамос алат деп жаткан реалисттер эки оюндан кийин Роналду алат деп калышыптыр. Ла лигада - маанилүү оюндарда Рамос, ал эми Чемпиондор Лигасында Рамос, Марселолор сүйрөп жатты. Иштин баарын башкалар кылып, Роналду даяр сыйлыкка көнүп калган экен да. Реал Чемпиондор Лигасын утса да Роналду ала албайт".

"Футболдо "дарбазачы - жарым команда" деп коёт го, Буффон алыш керек. Быйыл Буффонго бербесе уят эми".

Талкууга кошулгуңуз келсе, бул жакка кириңиз.