Ислам тилектештик оюндары: Балбан Айсулуу Тыныбекова алтын медаль үчүн күрөшөт

Баку шаарында өтүп жаткан Ислам тилектештик оюндарында кыз-келиндер арасындагы күрөш боюнча 58 килограммга чейинки салмакта Кыргыз балбаны Айсулуу Тыныбекова финалга чыкты. Ал финалга чыгууда түркиялык балбанды утуп алган. Эми алтын медаль болгон үчүн күрөштө азербайжандык балбан менен кез келет.

Ал эми Айпери Медет кызы алгачкы беттешин жеңгени менен, кийинки эки беттеште жеңилип калган. Ал коло байге үчүн күрөшөт.

Азыркы тапта Кыргыз өлкөсүнүн капчыгында 3 алтын, 4 күмүш, 7 коло медаль бар.

Эске салсак, Айсулуу Тыныбекова 13-май күнү, Индиянын Дели шаарында өткөн Азия чемпиондугунда финалга чыгып, индиялык спортчу Сарита менен кез келген. Тыныбекова 6:0 эсебинде жеңишке жетип, алтын медалды жеңип алган. Муну менен ал экинчи ирет Азия чемпиондугун багынтты.