Топ-Лига: "Алай" конокто "Дордойду" утуп, лидерлик сабын бекемдеди

Бүгүн футбол боюнча өлкө биринчилигинин кезектеги туру жыйынтыкталды. Борбордук беттеш Бишкек шаарында орун алып, анда "Дордой" менен "Алай" кез келди.

Оюндун жүрүшүндө эки команда тең чабуулга ыктап ойноду. Баштапкы мүнөттөрдө "Дордой" кооптуу абалдарды жаратканы менен гол кирген жок.

Буга "Алай" 33-мүнөттө Акрам Умаровдун голу менен жооп кайтарды.

Экинчи таймда Аброр Кыдыралиев эсепти 2:0 кылды. "Дордойдун" жарым коргоочусу Анатолий Власичев бир гол киргизгени менен, үй ээлери эсепти теңей алышкан жок.

Бул жеңиш менен "Алай" 1-орунун бекемдеди. 2-орунда келе жаткан канттык "Абдыш-Ата" өз үйүндө " Нефтчи" менен 1:1 эсебинде тең чыкты. Ошондой эле "Кара-Балта" "Алганы" 2:1 эсебинде жеңип, чемпиондукта алгачкы 3 упайга ээ болушту.