ЖЫЛНААМА, 24-МАЙ: Куудул, тамада жана ырчы Борончу Кудайбергенов 51 жашка толду

Куудул, тамада жана ырчы Борончу Кудайбергенов 51 жашка толду. Ал 1966-жылы 24-майда Жумгал районунда туулган. 1984-1986-жылдары Чаектеги №26-кесиптик техникалык орто окуу жайында окуган. 2003-жылы Жеке ишкерлерди өнүктүрүү институтуна тапшырып, 2008-жылы бүтүргөн. Борончу Кудайбергенов 2006-жылы белгилүү куудул Рахман Разыковдун демилгеси менен уюштурулган "Уланып күлкү баяны, сахнада куудулдар жана аялы" деген фестивалында Гран-прини алып, "Мерседес" жеңил автоунаасын утуп алган. 2010-жылы Меккеге барып, зыярат кылып ажы болуп кайткан. 2011-жылы Президенттикке талапкерлигин койгонго аракеттенген, бирок БШК Борончу Кудайбергеновдун талапкерлигин коюуга уруксат берген эмес.