Бүгүн волейбол боюнча Дүйнө чемпиондугуна тандап алуу оюнунда Кыргыз-Казакстан беттеши орун алат

Бүгүн, 28-майда Бишкекте волейбол боюнча Дүйнө чемпиондугуна тандап алуу оюнунда чечүүчү беттеш орун алат.

Анда Кыргыз волейболчулары казак спортчулары менен кез келет.

Белгилей кетсек, 1-турдук оюндарда Кыргыз Пакистанга 2:3 эсебинде жеңилсе, казактар Пакистанды 3:2 эсебинде уткан.

Бүгүнкү оюндун жыйынтыгы менен кийинки этапка чыга турган команда билинет.

Кыргыз волейболчулары кийинки баскычка чыгуу үчүн партиялар эсебинде 3:0 же 3:1 менен жеңүүсү керек.

Оюн саат 19:00дө, Бишкек шаарынын Арча-Бешик конушундагы дене тарбия жана ден соолукту чыңдоо клубунда өтөт.