Бүгүн Ошто АФК Кубогунун алкагында "Алай" "Дордойду" кабыл алат

Бүгүн, 31-май күнү АФК Кубогунун 6-турунун алкагында Ош шаарында жергиликтүү "Алай" бишкектик "Дордойду" кабыл алат. Бул тууралуу АФКнын маалымат кызматы билдирди. Оюн А.Сүйүнбаев атындагы стадиондо саат 16:00дө старт алат.

Белгилей кетсек, эки кыргыз командасы тең тайпадан чыгуу мүмкүнчүлүгүнөн ажыраган. "Дордой" 5 оюнда 3 упай топтосо, "Алайда" бир дагы упай жок. “Истиклол” менен “Алтын-Асыр” 13 упайдан чогултуп, чейрек финалга чыгуу жолдомону өз ара талашышат.

"D" тайпасы, 6-тур. Бишкек убактысы боюнча:

16:00. “Алай” (Ош) – “Дордой” (Бишкек)

21:00. “Истиклол” (Тажикстан) - "Алтын Асыр" (Түркмөнстан)