ЖЫЛНААМА, 2-ИЮНЬ: "Абактан качуу" сериалынын жылдызы, америкалык актёр Уэнтуорт Эрл Миллер 45 жашка толду

"Абактан качуу" сериалынын жылдызы, америкалык актёр Уэнтуорт Эрл Миллер бүгүн, 2-июнда 45 жашка толду. Ал Англиянын Чиппинг-Нортон шаарында 1972-жылы төрөлгөн.

Колледжде окуп жүргөн кезинде музыкага жакын адам болгон жана ырчылардын кээ бирлери менен гастролго чыгып, акча таап турган. Кийинчерээк жүрөгү тандаган актёрдук кесиптин ээси болууну көздөп, Лос-Анжелеске бет алат жана ал жакта операторлордун жардамчысы катары ишке орношкон.

Актёрдук карьерасын 2002-жылы “Динотопия” деген сериалдан баштаган. Эл оозуна алынып, дарегине жагымдуу сөздөр айтыла баштагандан кийин эле “Караланган кадыр-барк” фильмине тартылууга чакыруу алат. Ал эми “Абактан качуу” сериалына тартылуу атак-даңк алып келет деп күтпөгөнү менен, Уэнтуорт дал ушул кино аркылуу чыныгы популярдуулукка жеткен. “Абактан качуу” сериалына тартылуудагы өзүнө жакпаганы денесине тарттырган татуировкалары болгон.

2-июндун жылнаамасы.