МЕДИА-ПОРТАЛ: Съездбек Искеналиев "Мына минтип" ырына клип тартуу үчүн атайын бийлегенди үйрөнгөнүн айтат

"Медиа-портал" бөлүмүндөгү шаӊдуу тартылып, бийлөөгө чакырган клиптердин бири - Съездбек Искеналиевдин "Мына минтип" ырынын клиби. Ырчы аталган клип тууралуу SUPER.KG`ге буларды билдирди:

"Кичинебизде "Мышык-чычкан ойнойбуз, мына минтип" деп ойночубуз. Ыр ушул оюндан келип чыккан. Алгач өзүм обон чыгарып, сөзүн Акбар Кубанычбеков деген жигитке жаздырттым. Байкасам, бийлөөгө ыӊгайлуу, өзгөчө улуттук аспаптардын коштоосу менен жазылган музыка жокко эсе экен. Андыктан дал ушул нерсени камтуу үчүн болгон аракетимди жумшадым. Клиптин идеясы мага таандык, каармандарды да өзүм тандадым. Ал эми канча каражат кетиргеним сыр боюнча калсын", - дейт ырчы.

Ошондой эле ал клип үчүн атайын бий ийримдерине барып, бийлегенди үйрөнгөнүн айтат.

"Клипке тартылуу үчүн 2 жума бий ийримине бардым. "Санжыра" бий тобунун жигиттери "Мына минтип" клибине атайын бий кыймылдарын иштеп чыгышты. Буюрса, концерттеримде эми кандай бийлей аларыма күбө болосуздар", - дейт ырчы күлүп.

Съездбек Искеналиевдин "Мына минтип" ырынын клибин бул жерден көрүӊүз.