ЖЫЛНААМА, 12-ИЮНЬ: "Туулган күнүмдө Орусия менин туулган күнүмдү белгилеп жатат деп тамашалап калам" дейт Азиз Мурадиллаев

Бүгүн, 12-июнда актёр Азиз Мурадиллаев 39 жашка толду. SUPER.KG порталы актёрдун жеке майрамы менен куттуктоо үчүн байланышканыбызда ыраазычылыгын билдирип, туулган күнүндө маанайы жакшы экенин билдирди.

Айтымында, бүгүн алгачкылардан болуп Мурадиллаевди келинчеги куттуктаса, ага удаа эле апасы телефон чалып, жакшы тилектерин билдирген.

"Туулган күнүмдө маанай жакшы. Ооз ачыруу үчүн үйгө туугандарыбызды чакырганбыз. Негизи ар жылы туулган күндөрүм ар кандай шартта өтөт, бул жылы орозо айына туш келди. Бала чактагы туулган күндөр буратино лимонады, таттуулар менен эсте калды. Менин туулган күнүм Орусиянын күнү менен бир датада. Москвада окуп жүргөн студенттик күндөрүмдө шаардагы жөө жүрүш, акцияларды "Москва менин туулган күнүмдү белгилеп жатат", - деп тамашалап калчумун", - дейт ал.

12-июндун жылнаамасы.