Испанияда балдар футбол клубунун машыктыруучусу командасы 25:0 эсебинде утканы үчүн жумуштан айдалды

Испаниянын Валенсия шаарында 11 жаш курактагы балдардын футбол боюнча командалык беттеши өтүп, анда "Серранос" менен "Беникалап" командалары ойногон. Бул оюндан "Серранос" клубу 25:0 эсеби менен жеңишке жетишкен. Мындай чоң эсепте уткандыгы учун клубдун жетекчилиги машыктыруучусун жумуштан бошоткон.

Жетекчилик бул боюнча: "Биз каршылаштарыбызды сыйлайбыз, ошондуктан мындай эсеп менен утушубуз керек эмес эле. А машыктыруучуга оюндан көп эсептеги жыйынтык керек болчу. Андыктан аны менен коштошууну чечтик. Биз оюнчуларды каршылашка сый мамиле жасоого тарбиялайбыз", - деген билдирүү тараткан.

Ал эми кызматынан айдалган машыктыруучу мунун баарын жокко чыгарып, көп гол киргизүүгө көрсөтмө берген эместигин айткан.