Чуңкурчак жайлоосунда кылым карыткан кыргыз элинин жашоосун чагылдырган фестиваль өткөрүлдү

Чүй облусунун Аламүдүн районундагы Арашан айылына караштуу Чуңкурчак жайлоосунда "Кылым карыткан кыргыз көчү" урааны менен "Чуңкурчак көчү-2017" фестивалы өткөрүлдү.

Фестивалдын жүрүшүндө тоо таянып жашаган кыргыз элинин көчмөн жашоосу чагылдырылды.

Салтанаттын жүрүшүндө Чуңкурчак жайлоосуна боз үйлөр тигилип коломтого от жагылды. Мындан сырткары жаштардын көңүл ачуусу үчүн селкинчек орнотулду. Айыл тургундары көчмөн жашоону даңазалап кыр ашып келип көчтү жайгаштырышты. Мында келген көрүүчүлөр кыргыз элинин көчмөн жашоосуна таасирленгенин айтышууда.

"Бабалардын тоо коюнунда жашаган жашоосу мени абдан кызыктырды. Биз ал күндөрдү эч качан унутпай ушундай иш-чаралар менен кылымга сакташыбыз керек. Кыргыздын каада-салты кылымдар бою жашай берерине ишенем", - дейт улуу көчтүн катышуучусу Алтынбек Дөөлөтбаков.