ЖЫЛНААМА, 18-ИЮНЬ: Кыргыз Республикасынын Эмгек сиңирген спорт чебери Улан Молдодосов 41 жашка чыкты

Кыргыз Республикасынын Эмгек сиңирген спорт чебери, Оор атлетика боюнча КРнын көп жолку чемпиону жана рекордчусу Улан Молдодосов 41 жашка чыкты. Ал 1976-жылы 18-июнда Токтогул районунда төрөлгөн. Дене тарбия институтун, андан кийин инженердик факультетти аяктаган. 2005-жылы Ислам оюндарынын алгачкы чемпиону, эки жолу Азия чемпиону (2005, 2006) аталган. 2004-жылы Афина жана 2008-жылы Бээжин олимпиадаларына катышып, ачылыш аземинде Кыргыз мамлекетинин туусун көтөрүп чыккан. Улан Молдодосов Жаштар сыйлыгынын лауреаты, көп ирет "Жылдын мыкты спортчусу" аталган.

Жараткан ийгиликтери:

1997-жыл. Кытай. Азия чемпионаты, коло медаль. 2002-жыл. Тайланд. Азия кубогунун жеңүүчүсү.

2003-жыл. Кытай. Азия чемпионаты, коло медаль. 2003-жыл. Италия. Дүйнөлүк универсиаданын коло медалы.

2004-жыл. Америка. Студенттер арасындагы дүйнөлүк чемпионаттын жеңүүчүсү. Олимпиада оюндарынын катышуучусу. 10-орун.

2005-жыл. Сауд Аравиясы - Исламдык оюндардын жеңүүчүсү. Дубай - Азия чемпиону.

2006-жыл. Ташкент. Азия кубогунун жеңүүчүсү.

18-июнга карата жылнаама.