ТЕСТ: Кыргыз жериндеги туристтерди кызыктырган жайлар тууралуу билесизби?

Украинанын "Орел и Решка" телеберүүсүн тартуу үчүн чыгармачылык тобу 2013-жылы Кыргыз жерине келишкен. Алпаруучуга кыргыздын кой союу салты, анын бышкан башын жеген жана бүркүт салуу аёосуз сезилген.

Чүй облусунун Сокулук районуна караштуу Беловодск айылында Бөрүлү-Көк-Көл көлү жайгашкан. Ал 1885-жылдагы жер титирөөдөн кийин пайда болгон. Көл Сокулук районунун борборунан 140 чакырым алыстыкта. Деңиз деңгээлинен 1900 метр бийиктикте орун алган.

Арстанбап токоюна бара жатканда сиз Жаңгак тоннели аркылуу өтөсүз. "Жаңгак тоннели" деп расмий аталыш албаганы менен, көпчүлүккө ушундай ат менен белгилүү. Тоннелдин узундугу 2,5 чакырымдан ашуун. Ал Арстанбап, Кызыл-Үңкүр айылдарына кеткен жолдо жайгашкан.

"Саймалуу-Таш" улуттук жаратылыш паркы 2007-жылы түзүлгөн. Тогуз-Тородогу "Саймалуу-Таш" улуттук паркынын аймагында жайгашкан "Кылдоо" кен участогунан алтын казуу маселеси коомчулуктун талкуусуна түшкөнү маалым. Кен казуучулар ишмердүүлүгү тарыхый эстеликтерге зыяны тийбейт дешкен. Жаратылыш паркынын жалпы аянты — 32 миң гектарга жакын. Анда б.з.ч.3 миңинчи жылдыктан биздин замандын орто кылымдарына таандык эстелик сүрөттөр, таш бетине чийилген сүрөттөр бар.

Сары-Челек биосфералык коругунда 7 көл бар. Алар Сары-Челек, Кылаа-Көл, Ири-Көл, Арам-Көл, Чөйчөк-Көл, Бакалы-Көл, Туюк-Көл. Ошондой эле Кожо-Ата дарыясы да агып, Нарын дарыясына куят.

2016-жылы 30-июлда Соң-Көл жайлоосунда Тайлак баатырдын 220 жылдыгы белгиленген.

Рафтинг - шаркырап аккан сууда атайын рафттарга отуруп агым менен жүрүү. Гид белги бергенде отургандар баары чогуу колу менен сууну шилеп, алдыга жүрүшөт. Чүй жана Чоң-Кемин сууларында рафтинг турлар популярдуу болуп келет.

"Саркент" улуттук паркы Баткен облусунун Лейлек районунда жайгашкан. Жалпы аянты 40 миң гектарды түзөт. Паркта 5 көл бар. Ал туристтерди өзгөчө коюу арчалары, таза абасы менен кызыктырат.

Ыр Ош облусунун Өзгөн районундагы Кара-Шоро жайлоосу жөнүндө жазылган.

Дмитрий Медведев өзүнүн Instagram'дагы баракчасына Ала-Арча капчыгайын жарыялаган. 2016-жылы Кыргыз мамлекетине болгон иш сапарында аталган капчыгайда болуп, сүрөттү илгенден 11 сааттан кийин 51 миң "жакты" белгисин топтогон.

"Беш-Таш" жаратылыш паркы Талас облусунда жайгашкан. Жалпы аянты 30 миң гектар жерди ээлеп, өзгөчөлүгү - парктагы капчыгайларда 800 түрдүү өсүмдүктөр бардыгында. Андагы Беш-Таш суусу тунуктугу менен туристтерди кызыктырат.

Суусамыр өрөөнү аркылуу Көкө-Мерен дарыясы агып өтөт. Анда спорттун экстремалдык түрүн жактыргандар үчүн рафтингди уюштуруу мүмкүнчүлүгү бар.

Кыргыз өлкөсүндө бир гана зоопарк бар. Ал Ысык-Көл облусунун Каракол шаарында жайгашкан. Зоопарк 1987-жылы негизделген. Анда 130дай жаныбар кармалат.

2001-жылы негизделген "Салкын-Төр" улуттук паркы Нарында жайгашкан. Анын аянты 10,5 миң гектарды ээлейт. Мында келгендер Кара-Үңкүр үңкүрүнө, тарыхый Дөбөлү адырынын, Курга булагынын кооздугуна суктана алышат.