“Барселонанын” чабуулчусу Неймар 21 жаштагы сүйүктүүсү менен мамилесин үздү

“Барселона” футбол клубунун чабуулчусу Неймар 21 жаштагы сүйүктүүсү, бразилиялык актриса Бруна Маркезини менен мамилесин үздү. Бул тууралуу ал бразилиялык маалымат булактардын бирине берген маегинде өзү айткан.

“Бруна экөөбүз көп убакыт сүйлөшүп жүрдүк. Мен ага үйлөнүү тууралуу сунуш киргизгем, тилекке каршы, “жок” деген жооп алдым. Андыктан экөөбүз биргеликте кеңешип, мамилебизди ушул боюнча токтотолу деп чечтик. Бул менин жеке жашоом боюнча акыркы маегим, мындан кийин бул тууралуу коомчулукка жар салбайм”, - деген футболчу.

Маалым болгондой, 21 жаштагы актриса алгачкы орунга карьерасын коюп, үй-бүлө күтүүгө шашылбай турганын айткан.

Эске салсак, бул түгөйлөрдүн экинчи жолку ажырым жолго түшүүсү. Биринчи жолу 2012-жылдын февраль айында келишпестиктердин айынан эки башка жолго түшкөндөрүн айтышкан. Бирок 2016-жылдан тарта кайрадан мамиле кура башташкан.

Неймар 6 жаштагы баланын атасы. Футболчу 19 жашында ошол кездеги 17 жаштагы сүйлөшкөн кызынын боюна бүтүп, уул төрөп берген.