Куудул Тынар Курбаналиев: "Бир кезде МАИ кызматкери чайга таштабайсыӊбы дегенинен 10 сом бергем. Анткени Ошто чай 5 сом"

Бир нече мүнөттөрдөн соӊ белгилүү куудул Тынар Курбаналиевдин SUPER.KG порталынын түз эфириндеги маеги башталат. Мүмкүнчүлүктөн пайдаланып суроолоруңузду узатып, жооп алсаңыз болот.

Суроолорду түз эфир жүрүп жаткан учурда "Соңку кабар" аркылуу комментарий жазып, жооп алсаңыздар болот. Колдонуучулардын арасынан кызыктуу суроо берген окурмандарды куудулдун атайын белектери күтөт.

15:00. Белгиленген убакытта куудулдун түз эфирдеги маеги башталды. Ал учурдагы эс алуусу, чыгармачылыгы тууралуу айтып берүүдө.

15:10. Куудул 2 жылдан бери аларга саясий кысым көрсөтүлүп жатканын айтты.

15:15. Окурмандын "Саясатчы болоюн деген оюңуз барбы?" деген суроосуна, "Кудай сактасын, жок" деп жооп берди.

15:21. Куудул мурунку жубайы ди-джей Лилия Абдибаитова экөөнүн ортосундагы уулу тууралуу айтып берип жатып ага алимент төлөбөй турганын, уулу азыр өзү менен жүргөнүн, учурда айылда экенин билдирди.

15:25. Куудул "МАИ кызматкерине чайга деп 10 сом таштап кеткем. Анткени Ошто чай 5 сом" деп күлдүрдү.

15:30. Тынар Курбаналиевдин "Албарсты мени басты" сатирасы көрсөтүлүүдө.

15:35. Окурмандын "Сизди Борончу Кудайбергенов менен таарынышып жүрөт дешет, ошол чынбы?" - деген суроосуна, "Мен Борончуга таарынбай эле жүрөм, бирок ал мага таарыныптыр деп уктум. Жеке өзүмө бул тууралуу айткан эмес", - деп жооп берди.

15:46. Куудул Индия кинолорунун каармандарын колуна гитара кармап алып туурап берди.

15:59. "Ата-энеңиз кыргыз эмес деп айтышат?" - деген суроого, "Атам кыргыз, апам башкыр улутунун кызы болгон", - деген жооп узатты.

16:10. Куудул алып баруучулар даярдаган логикалык суроолорго жооп берүүдө.

16:15. Тынар Курбаналиев менен Рахман Разыковдун "120 кой" сатирасынан соң жаралган "Сот идиот" сатирасы көрсөтүлүп жатат.

16:20. Куудул окурмандын суроосу боюнча анекдот айтып берди.

16:30. Тынар Курбаналиевдин SUPER.KG порталынын түз эфириндеги маеги соңуна чыкты.