ЖЫЛНААМА, 9-ИЮЛЬ: "Форрест Гамп" тасмасындагы ролу аркылуу таанылган америкалык актёр Том Хэнкс 61 жашка толду

Америкалык актёр жана продюсер Том Хэнкс 61 жашка чыкты. Ал 1956-жылы 9-июлда АКШнын Калифорния штатындагы Конкорд шаарында төрөлгөн. Том Хэнкс "Филадельфия" (1993), "Форрест Гамп" (1994) тасмаларындагы ролдору үчүн эки ирет "Оскар" сыйлыгына арзыган. Актёрлуктан сырткары режиссёрлук менен да алектенген Том Хэнкстин эң кирешелүү тасмасы "Код да Винчи" (2006) болгон.

Жеке жашоосу

Том Хэнкс 1978-жылы америкалык актриса Саманта Льюиске үйлөнүп, эки балалуу болгон соң 1987-жылы ажырашып кетишкен. 1988-жылы азыркы жубайы актриса Рита Уилсон менен баш кошкон. Түгөйлөрдүн ортосунда эки уулу бар.

9-июлга карата жылнаама.