"Ак шоола" балдар хору 2 эл аралык сынакта 1-орунду ээледи

"Ак шоола" балдар хору 2 эл аралык сынакта 1-орунду ээледи. Бул тууралуу SUPER.KG`ге "Ак шоола" балдар хорунун жетекчиси Гүлмира Эсенгулованын жолдошу композитор Турдубек Чокиев билдирди. Анын айтуусуна караганда, "Ак шоола" балдар хору Сочиде өткөн "Аква-Темп" сынагында 3 категория боюнча биринчиликти багындырып, ага чейин Абхазияда өткөн "Золотая Империя" сынагында да биринчиликке ээ болгон.

"Топ 1-июль күнү Абхазияда өтө турган сынакка катышуу үчүн учуп кетишкен. Ал жактан биринчиликти ээлешиптир. Сынак 2-июлдан 10-июлга чейин уланган. Ал жактан түз Сочи шаарына барып, 10-июлдан 18-июлга чейин өтө турган "Аква-Темп" сынагына катышышты. Сочидеги сынакта 3 категория боюнча биринчиликти ээлешиптир: 5 жаштан 8 жашка чейинки балдардан түзүлгөн кенже балдардын хор топторунун ортосунда, 9 жаштан 12 жашка чейинки балдардан түзүлгөн топтордун жана 12 жаштан 15 жашка чейинки балдардан турган топтор ортосунда", - дейт Турдубек Чокиев.