Супер-Инфо
super.kg видео
ЭЛДИК КАБАР: "Бишкектеги Улуттук госпиталдын нейрохирургия бөлүмүнүн бардык жеринде таракан аралап жүрөт" дейт окурман
Бишкек шаарындагы Улуттук госпиталдын нейрохирургия бөлүмүндө бейтаптар үчүн шарт абдан начар. Мындай билдирүү SUPER.KG порталына окурмандан WhatsApp аркылуу келди.
Анын айтымында, бөлүмдүн бардык жерлеринде таракандар аралап жүрөт. Бул абал бейтаптарды тынчсыздандырып, эс алуусуна тоскоолдук жаратат.
"Кайсы жерге кирбе таракан. Жуунуучу жай, ажаткана, палата бардык жерде таракан жайнап жүрөт. Муздаткыч да эскилиги жетип жакшы иштебей калган, жай мезгилинде бул көйгөй да бейтаптарды жүдөтүп жатат. Шарты начар болгону менен медициналык кызматкерлер жакшы карашат. Муну айта кетишим керек. Бирок борбордогу оорукананын абалы ушундай болсо, аймактардагы медициналык мекемелер кандай болду экен?" - деп жазган окурман.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
0
1 |