Маданият, маалымат жана туризм министрлиги ШКУнун 10-министрликтер жыйынын өткөрөт

23-24-май күндөрү Бишкекте Маалымат, маданият жана туризм министрлиги Шанхай Кызматташтык Уюмунун курамына кирген Маданият министрликтеринин 10-жыйынын өткөрөт. Айтылгандай, жыйында 2007-жылдын 16-август күнүнөн бери уюштурулуп келген маданий иш-чаралар тууралуу сүйлөшүүлөр болот. Жолугушуунун жыйынтыгында министрликтердин өкүлчүлүктөрү иш-чаранын жүрүшү тууралуу токтомго кол коюшмакчы. Эске салсак, өткөн жылы Маданият министрликтердин жыйыны Кытайдын Пекин шаарында өткөн. Ал эми кийинки жыйын кайсы өлкөдө өтө тургандыгы Бишкектеги жолугушууда маалым болот.