Марста кардуу бороон катталды

Акыркы метеорологиялык изилдөөлөрдүн жыйынтыгында, окумуштуулар Марста кардуу бороон боло тургандыгын аныкташты. Буга чейин эксперттер Марста кардын учкундары өтө эле жай жаап түшөрүн айтышкан эле.

Бирок Париждеги Пьер жана Марии Кюри университетинин окумуштуулары Марста кардуу бороон кечинде гана боло тургандыгын аныктап чыгышкан.

Изилдөөчүлөр 3 климаттык моделди бириктиришкен. Марста күн баткандан кийин абадагы суу бөлүкчөлөрү карга айланып, мурда катталгандан да жогорку ылдамдыкта ылдыйды көздөй түшүшкөн.

Изилдөөнүн жетекчиси Аймер Спиганын айтымында, мурун Марста кар жай ылдамдыкта жаайт деген гана далилдөөлөр бар болсо, азыркы учурда шамал ыргагынан улам кар баттан жаап, кардуу бороон пайда болуп жаткандыгы катталды.