Ноокен районунда "таксистке бычак такап, унаасын айдап качууга аракет кылган" деп шектелген жаран кармалды

Ноокен районунда "таксистке бычак такап, унаасын айдап качууга аракет кылган" деп шектелген жаран кармалды. Бул тууралуу бүгүн, 30-августта Ички иштер министрлигинен билдиришти.

Маалыматка караганда, окуя 26-август күнү Ноокен районунун Масы айыл аймагында болгон.

"Хундай Портер унаасынын 50 жаштагы айдоочусуна белгисиз адам келип жеткирип коюшун суранган. Айдоочу макул болуп аны салып алган. Жолдо ал айдоочуга бычак такап, унаанын ачкычын берүүсүн талап кылган. Бирок айдоочу ачкычын алып, качып кетүүгө үлгүргөн. Ал эми шектүү ачкыч жок унааны жүргүзө албай, унаанын техникалык паспортун, айдоочулук күбөлүк, паспортту алып из жашырып кеткен. Бул кылмышка шектүү катары 1997-жылы туулган М.М. кармалган. Учурда ал үй камагында", - деп айтылат ИИМдин маалыматында.