Супер-Инфо
super.kg видео
ТЕСТ: "Акбаранын көз жашы" тасмасын көрдүңүз беле?
Советтер союзу мезгилинин акыркы 20 жыл аралыгында Кыргыз өлкөсүндө кино жаатында не бир сонун тасмалар тартылып, коомчулукка тартууланган. Алардын арасында жазуучу Чыңгыз Айтматовдун бир нече чыгармасы экрандаштырылган.
Ошол учурларда көрүүчүлөрдүн бүйүрүн кызыткан "Акбаранын көз жашы" тасмасын көрдүңүз беле? Тесттен өтүп өзүңүздү сынап көрүңүз.
1
2
3
4
5
6
7
8
9
10
11
12
13
14
15
"Акбаранын көз жашы" фильми кайсы жылы тартылган?
"Акбаранын көз жашы" фильми 1989-жылы "Кыргызтелефильм" студиясында тартылган.
1989-жылы
1979-жылы
1969-жылы
"Акбаранын көз жашы" тасмасында Базарбай аялын тизелетип, балта менен коркутуп жатканда жанында кимдер карап турган?
Базарбайдан геологдор көздөгөн жерине баруу үчүн жол көрсөтүп коюусун суранышкан. Ал үчүн ага акы берүү убадаланган болчу. Бирок Базарбайдын алар менен кетүүсүнө аялы каршы болуп, экөө чырдаша кетет. Ошол учурда экөөнүн жаңжалын геологдор карап турган.
Айылдын эли
Чабан кошуналары
Геологдор
"Акбаранын көз жашы" тасмасында Базарбайдын аялынын ролун ким ойногон?
"Акбаранын көз жашы" киносун тартып жатканда Жамал Сейдакматова Базарбайдын аялынын ролун жараткан.
Сабира Күмүшалиева
Жамал Сейдакматова
Бакен Кыдыкеева
"Кыямат" романы качан жарык көргөн?
302 беттен турган "Кыямат" романы 1988-жылы жарык көрүп окурмандарга сунушталган. Роман бир канча окуяны камтыган бир нече бөлүктөн турат. Окуянын жүрүшүндө карышкырлардын өмүр кечирүүсү, алар мекендеген токойлордун өрттөнүшү, адам баласынан көргөн кордугу, бөлтүрүгүн алдырып жибергендеги кайгысы сүрөттөлөт.
1975-жылы
1985-жылы
1988-жылы
Бөлтүрүктөрдү ийининен алып, Бостондун үйүнө келген Базарбай боз үйдөн эмнени алып кетүү аракетин көргөн?
Бөлтүрүктөрдү уядан алып, олжого тунган Базарбай Бостондун боз үйүндө айылдын кишилери менен отуруп, кетеринде илинип турган жеринен мылтыкты алып, кийин кайра берип жиберерин айткан. Бирок Бостондун аялы мылтыкты бербей койгон.
Бостондун мылтыгын.
Бостондун комузун.
Боз үйдөгү кымыз куюлган чаначты.
Бостон Базарбайды эмне себептен атып салган?
Базарбай бөлтүрүктөрдү уядан алып, карышкырлардан качып түз эле Бостондун үйүнө келген. Мындан улам өчөшүп калган карышкырлар Бостондун малдарына тийип, уулуна тиш салган. Мунун баарына Базарбай себепкер деп ызаланган Бостон мылтыгы менен атып салган.
Базарбайдын үй-бүлөсү жөнүндө айткан ачуу сөздөрүн көтөрө албай атып салган.
Бостондун жаш аялы менен мамилеси бар экендигин айтканы үчүн аткан.
Уулун карышкыр тиштеп кеткен үчүн Базарбай күнөөлүү деп катуу ызаланып атып салган.
Фильмде кыргыздын кайсы улуттук оюну тартылган?
Тасманын жүрүшүндө тоо арасында өтүп жаткан тойдо кыргыздын эр эңиш оюну чагылдырылып көрсөтүлгөн.
Эр эңиш
Көк бөрү
Ордо
Тасманын жүрүшүндө Базарбай жолдун четиндеги дөңсөөгө токтоп куран окуп, ортосуна сайылган бутакка ак чүпүрөк ороп кетет. Ал эмне болгон дөңсөө?
Бостон малына тийип, тынчтык бербей жүргөн карышкырлардын бирин атып, асканын боорундагы тегиз жерге таш менен көмүп салган. Жайлоодон ырдап келе жаткан Базарбай үйүлгөн ташты көрүп, куран окуп, чүпүрөк байлап кеткен.
Малдын тарпы көмүлүп үйүлгөн дөңсөө
Карышкырдын өлүгү көмүлгөн дөңсөө
Бостондун карышкыр тиштеп кеткен уулу көмүлүп үйүлгөн дөңсөө
Тасмада Базарбайдын ролун ким ойногон?
"Акбаранын көз жашы" фильминде терс каармандын ролун аткарууга Дүйшөн Байдөбөтов чакырылган. Ал буга чейин "Мен Тянь-Шань" киносунда Ильяздын, "Саманчынын жолу" фильминде Субанкулдун образын жараткан.
Марат Козукеев
Болот Бейшеналиев
Дүйшөн Байдөбөтов
Акбара менен Ташчайнардын бөлтүрүктөрүн ийининен ким алып чыккан?
Карышкырлардын бөлтүрүктөрүн Базарбай геологдорду жайлоо, тоо-таш менен тааныштырып, кайтып келе жатканда ийинден алып чыккан.
Базарбай
Бостон
Асанбек
"Акбаранын көз жашы" фильми Айтматовдун кайсы чыгармасынын негизинде тартылган?
"Акбаранын көз жашы" киносу жазуучу Чыңгыз Айтматовдун "Кыямат" романынын негизинде тартылган.
"Кылым карытар бир күн"
"Кыямат" романы
"Деңиз бойлой жорткон ала дөбөт"
Тасмада Бостон менен Гүлүмкандын уулунун аты ким болгон?
Тасмадагы каармандар Бостон менен Гүлүмкандын кинодогу уулунун аты Кенжеш. Ал Бостон менен Гүлүмкандын жалгыз уулу болгон.
Нургазы
Темиркул
Кенжеш
"Акбаранын көз жашы" фильминде Бостондун ролун кайсы актёр ойногон?
"Акбаранын көз жашы" көркөм тасмасындагы Бостондун образын жаратууга режиссёр Дооронбек Садырбаев актёр Советбек Жумадыловду тандап алган.
Советбек Жумадылов
Сүймөнкул Чокморов
Орозбек Кутманалиев
"Акбаранын көз жашы" тасмасын тартууда ким режиссёрлук кылган?
"Акбаранын көз жашы" тасмасына Дооронбек Садырбаев режиссёрлук кылган. Ал кинону тартууда орус оператору Евгений Барышников менен чогуу иштешкен.
Темир Бирназаров
Төлөмүш Океев
Дооронбек Садырбаев
Тасманын жүрүшүндө каармандар мушташкан кадр тартылган. Милициялар кимдин колун кайрып алып кетишкен?
Кинонун жүрүшүндө ашканада тамактанып отуруп Бостон менен Базарбай пикир келишпестиктен улам мушташа кетишет. Ошол учурда милиция кызматкерлери Базарбайдын колун кайрып алып кетишет.
Эрназардын
Геологдордун бирин
Базарбайдын
"Гүлсарат", "Ак кеме"... Айтматовдун чыгармаларын унута элексизби?
Сиздин упайыңыз
4
1 |