ТЕСТ: Сүрөттү бир карап, кайсы тасма экенин таба аласызбы?

Чыӊгыз Айтматовдун "Жамийла" повестинин негизинде тартылган "Жамийла" тасмасы. Кадрда Жамийла менен кайниси Сейит кампага буудай жеткирип келе жаткан жери.

"Белгисиз маршрут" тасмасын көргөн чыгарсыз. Кадр ошол тасмадан алынган. Белгилүү болгондой, автобустун айдоочусу туманда жолдон адашып, жүргүнчүлөрдү бушайманга салат. Анда түрдүү көз караштагы адамдардын өз ара пикир келишпестиги таамай чагылдырылат.

Кыргыздын заманбап тарыхый тасмасы "Курманжан датка". Фильм 2014-жылы тартылган. Анда айтылуу "Алай ханышасы" аталган Курманжан датканын өмүр жолу чагылдырылган.

Кадр "Алымкан" тасмасынан алынган. Фильм акын Токтогул Сатылгановдун өмүр баянына арналып, Токтогулдун жаш чагын белгилүү режиссёр, мамлекеттик ишмер Дооронбек Садырбаев ойногон.

"Ак мөөр" тасмасы. Кадрда Ак мөөр сулуунун ашыгы Болот. Тасма 1969-жылы тартылып, бет ачары – 1970-жылы болгон. Фильмде Таттыбүбү Турсунбаева, Болот Бейшеналиев, Муратбек Рыскулов, Советбек Жумадылов жана башкалар образ жаратышкан. "Соӊ-Көлдүн башы тал менен, Соодагер өтөт мал менен..."

"Ак илбирстин тукуму" тасмасынан алынган кадр. Айыл эли ачкачылыктан кырыла баштаганда Кожожаш мерген досу Касен экөө ашуу ашып Мундузбай аттуу байдан жардам сурап барышат. Тасманын бет ачары 1985-жылы апрель айында болгон. Кинону көрсөтүү укугун дүйнөнүн 35 өлкөсү сатып алган.

Туура жооп - "Биринчи мугалим" тасмасы. Согуштан кайтып келген Дүйшөн айылдагы балдарга билим берүүнүн камында. Алтынай башкы каармандардын бири.

"Мен Тьян-Шань" тасмасы. Башкы каарман Ильяз прицеп сүйрөгөн унаасы менен Долон ашуусунан аша албай, жүзү жер караган окуядан кийин. Кадрда чогуу иштеген таанышы Кадича менен...

"Ак кеме" тасмасы. Момун чал кичинекей Нургазыны атка учкаштырып алып бараткан кадр. Тасманын бул жеринде Нургазыга "атасы тууралуу" айтып берет. Тасмада портфель, дүрбү сыяктуу буюмдар бир топ эпизоддо колдонулат.

Кадр "Бакайдын жайыты" (Биздин балалыктын асманы) тасмасынан алынган. Кичүү уулу Калыкты шаарга окуусуна жибергиси келбеген атасы ага каршы болгон байбичесин "эмдеп-домдоп" жаткан учуру.

Албетте, "Саманчынын жолу" тасмасындагы кадр. Уулу Майсалбекти согушка узаткан эне темир жол станциясында уулу поездден ыргыткан тумагын кучактап ыйлап жаткан жери. Тасма Чыӊгыз Айтматовдун чыгармасынын негизинде тартылган.

Кадр "Караш ашуусунда атылган ок" тасмасынан алынган. Тасмада Сүймөнкул Чокморов башкы каармандын ролун аткарган. Сүлүккара - башкы каармандын сууга агып кеткен аты.