Жылдыздардын эс алуу күндөрү кандай өттү: 23-24-сентябрь

Бир кездеги диктор, учурдагы социалдык өнүктүрүү министринин орун басары Лунара Мамытова Италияга иш сапары менен барып, аны эс алуу менен айкалыштырды көрүнөт. Ал эми ырчы Анжелика Алматыда эс алып келсе, шоу-бизнестин айрым жылдыздары үгүт иштери менен алектеништи.

Лунара Мамытова өз баракчаларына Италиянын кызыктуу жерлеринен түшкөн сүрөттөрүн жарыялады.

Анжелика Бекболиева Казакстандын Алматы шаарында өткөн рок ырчысы Наргиз Закированын концертине барып, чер жазып келди.

Ал эми ырчы Асема дем алыш күндөрүн балдарына арнап, аларды эс алуучу жайга алып барып, ойнотуп келгенин маалымдады.

"Тамашоучу" Эмил Эсеналиев Ысык-Көлгө барып, белгилүү ырчынын клибине тартылып келди.

Ал эми шоумен Кубат Кубанычбеков менен ырчы Гүлзат Байзакова тойлордо кызмат кылып жүрүштү.

Ырчы Бегимай Бекбоева бир кезде шоу-бизнестен өз ордун таап, кийин сахнадан алыстай түшкөн Мээри Шакулина жана анын балдары менен бирге убакыт өткөрдү.

"Нон-стоп" дуэтинин ырчысы Чолпон Талипбекованы туулган күнү менен куттуктаган күйөрмандарынын аягы суюла элек. Ырчы куттуктагандарга ыраазычылык билдирип, алардын ар бир жазган билдирүүсүн окуп чыкканын айтты.

Ал эми модель жана "Супер сулуу 2009" сынагынын жеңүүчүсү Жамиля Ишенбаева эс алуу күндөрүн Бали аралында өткөрүп жаткан сүрөттөрү менен бөлүштү.

Ырчылар Ильяз Абдыразаков, Мирбек Атабеков, Нурмат Садыров, Урмат Усенов жана Курал Чокоев дем алыш күндөрүн үгүт иштерине арнап, Кыргыз жерин түрө кыдырып концерт коюу менен алектеништи.

Ал эми Нурлан Насип, Алмаз Шаадаев, Дайыр Исмадияров жана башкалар ырчы Данияр Эрматовдун шеринесинде конок болуп, эс алуу күнүн жыйынтыкташты.