Бишкекте мечиттен телефон салынган сумканы уурдоого аракет кылган жигит кармалды

Бишкекте мечиттен мобилдик телефон салынган сумканы уурдоого аракет кылган жигит кармалды. Бул тууралуу бүгүн, 28-сентябрда Бишкек шаардык ички иштер башкы башкармалыгынан билдиришти.

Маалыматка караганда, ушул жылдын 26-сентябрь күнү саат 19:00 чамасында шаардагы мечиттердин биринен ичинде мобилдик телефон жана башка буюмдар салынган сумканы уурдоого аракет кылган жаранды мечиттин кызматкерлери кармап алышкан.

"Мындан улам алар милицияга кайрылышып, шектүүгө чара көрүүнү өтүнүшкөн. Учурда 1996-жылы туулган Ж.У. (эркек киши) аттуу жаранга кылмыш иши козголуп, убактылуу кармоочу жайга киргизилди. Ал мурда эки жолу кылмыш жоопкерчилигине тартылган", - деп айтылат маалыматта.