ТЕСТ: Булбул сайрайт, короз кыйкырат, бүркүт...?

Расмий маалыматтарга таянсак, азыркы тапта Кыргыз жерин байырлаган 300дөй илбирс бар. Илбирстин саны жылдан-жылга азайып жатканы маалымдалып, аларды аткандарга жазаны катуулатуу сунуштары да айтылып жүрөт.

Сүрөттө каман (доңуз), чочконун жапайысы. Кыргыз жеринде кеңири жайылган жапайы жаныбар.

Ирик - бычылган, 1 жаштан өткөн эркек козу. Ал эми бычылбаган, тукумдукка багыла турган эркек кой кочкор болот.

Эпосто 3 аргымак бир бээден туулганы айтылат. Алар: Манастын күлүгү Аккула, Коңурбайдын күлүгү Алгара жана Жолойдун күлүгү Ачбуудан. Эпосто булардын эң мыктысы Аккула экени да белгиленет.

Өткөн жылы Жогорку Кеңештин депутаттары Жанар Акаев менен Эмил Токтошев өлкөдө жапайы жаныбарларды атууга 2030-жылга чейин биротоло тыюу салган мыйзам долбоорун сунушташкан. Бирок өкмөт каршы экенин билдирип, долбоор колдоо таппай калган.

Жаңы туулган жылкы баласы кулун, 1 жашка чыкканы тай, 2 жаштагысы кунан болот. Андан кийин бышты, асый деп аталат.

2016-жылы Кочкор районундагы Мадияр жайлоосунан жергиликтүү чабандар мадыл кармап алышкан. Бул тууралуу окурман SUPER.KG порталына кабарлаган соң НАБУ - Германиянын табиятты коргоо уюмунун Кыргыздагы филиалы мадылды Бишкекке алып келип, кароодон өткөрүшкөн. Алгач абалы начар жандык бара-бара өзүнө келип, кийин кайра табият коюнуна коё берилген.

Төө эки жылда бир төлдөйт. Төөнүн баласы тайлак же бото деп аталат. Төө кээде гана эгиз тууганы болбосо, негизинен, эки жылда бир жолу жалгыз бото тууйт.

2013-жылы Кызыл китепке кирген жаныбарларды мыйзамсыз аткандарга айып пулдун көлөмү жогорулаган. Мисалы, күрөң аюу, марал, жейрен жана аркарды мыйзамсыз аткандар 400 миң сом, кундузду аткандар 200 миң сом, мадыл, сүлөөсүн үчүн 25 миң сом, суусарды аткандар 5 миң сом айып төлөйт. Ал эми ак илбирсти аткандар 500 миң сом айып төлөөгө милдеттүү.

"Кожожаш" эпосу. Эпосто кайберен тукумун аёосуз кырганы үчүн Кожожаш мерген акырында сур эчкинин каргышы менен аскадан түшө албай калат. Эпос адамзатты табиятка аяр мамиле кылууга үндөйт.

Кыргыз жеринде жалпы 83 корук бар. Булардын ичинен 10 корук мамлекеттик корук. 10 мамлекеттик жаратылыш паркы. 10 токой, 23 ботаникалык жана башка коруктар.

Эчки эмер. Баткен районундагы Таян айылында сейрек кездешүүчү боз эчки эмердин жергиликтүү тургундар тарабынан кармалып, 2 миң сомго сатылып жатканы интернетке жарыяланган. Териштирүү маалында жандык Өзбекстандын аймагынан табылган.

Кийик атып, аны менен сүрөткө түшкөн Кадамжай районунун прокурорунун орун басары Алтынбек Акимбаев кызматынан ылдыйлатылган. Ал эми кийик атып, алар менен сүрөткө түшкөн Экологиялык жана техникалык коопсуздук инспекциясынын кызматкери Искендер Жолдошовго карата кызматтык иликтөө жүргүзүлүп, жыйынтыгында ал эч кандай жоопко тартылбай турганы айтылган.

Бүркүт шаңшыйт.