Депутат Алмамбет Шыкмаматовдун соту кайрадан жылдырылды

Жогорку Кеңештин оппозициялык "Ата Мекен" фракциясынан депутат Алмамбет Шыкмаматовдун соту жылдырылды. Бул тууралуу ал өзү бүгүн, 2-октябрда SUPER.KG порталына билдирди.

Анын айтымында, сот 11-октябрда саат 14:00дө өтмөй болду. Ал билдиргендей, анын жактоочусу Чынара Жакупбекова "Ата Мекендин" лидери Өмүрбек Текебаев менен экс-элчи Дүйшөнкул Чотоновдун сотуна катышып жатат.

Алмамбет Шыкмаматовдун соту бүгүн саат 14:00дө өтмөк. Анда мамлекеттик айыптоочулар камсыздаган күбөлөр көрсөтмө беришмек.

Айта кетсек, УКМК Шыкмаматов жеке кызыкчылыгын көздөп, аялынын Мерседес Бенц Е320 үлгүсүндөгү унаасын кымбат баага сатуу үчүн "Барат Люкс" ишканасын тендерге катышкандардын катарына кошууну демилгелеген деп жатат. Шыкмаматов муну "саясий кысым" деп келет.