Супер-Инфо
super.kg видео
ТЕСТ: Музыка сүйүүчүлөр, чамдагыла. Комуз, кыл кыяк, дагы?
Кыргыздын улуттук музыкалык аспаптарынын коштоосунда аткарылган ырларды жактырып, угуп жүргөндөр көп. Укканды жакшы көргөнүбүз менен ал аспаптардын атын, өзгөчөлүгүн, бири-биринен айырмасын жакшы билебизби? Музыка күйөрманы болсоӊуз, бүгүнкү тест сиз үчүн.
1
2
3
4
5
6
7
8
9
10
11
12
13
14
15
Өлкөдө атайын улуттук музыкалык аспаптарга арналып тартылган көркөм тасма барбы?
Өлкөдө атайын улуттук музыкалык аспаптарга арналып тартылган көркөм тасма жок.
Ооба
Жок
Жакында тартылып бүттү
Куткун деген кыл кыяктын кайсы жери?
Куткун деп кыл кыяктын капкагында, 2 кыл байланган кайышты айтабыз. Бүгүнкү күндө бул сөз кеӊири колдонулбаганы үчүн унутта калып баратат.
Кыл кыяктын оюлган көӊдөйү
Кыл кыяктын моюну
Кыл кыяктын кылдары байланган кайыш
"Манастан" үзүндү: ... бапылдап, сурнай үнү такылдап.
"Манас" эпосунда да улуттук музыкалык аспаптар жөнүндө маалыматтар кеӊири жазылган. Эпостон "Керней үнү бапылдап, сурнай үнү такылдап..." деген сөздөр кездешет.
... Желдей үнү
... Керней үнү
... Кердей үнү
Самара Токтакунова деген ким?
Самара Токтакунова Кыргыздын белгилүү комузчусу. СССРдин Эл артисти. Учурда 72 жашта.
Комузчу
Ооз комузчу
Кыл кыякчы
Добулбас деген эмне?
Добулбас - астынкы, үстүнкү бетине төөнүн териси менен тартылган цилиндр түспөлүндөгү илгери согуштарда, мергенчиликте пайдаланылган барабан түрүндөгү урма музыкалык аспап.
Чоордун заманбап үлгүсү
Урма аспап
Сурнайдын кичинеси
Сурнай үйлөмө аспаппы же урмабы?
Сурнай үйлөмө аспап. Бүгүнкү күндө майрамдык салтанаттарда, той-мааракелерде колдонулуп жүрөт.
Урма аспап
Үйлөмө аспап
Экөө теӊ эмес
Тарых: Сүрөттөгү комузду Токтогул акын өз колу менен чаап башка бир акынга белек кылган. Кимге?
Тарыхый маалыматтарда сүрөттөгү комуз Жеӊижокко таандык экени айтылат. Жеӊижокко комузду Токтогул акын өз колу менен белекке берген. Комуз Аксы аймагында бүгүнкү күнгө чейин сакталуу.
Ниязалыга
Барпыга
Жеӊижокко
Залина Касымова кармап турган кайсы аспап?
Сүрөттө Залина Касымова кармап турган аспап улуттук музыкалык аспаптардын бири кыл кыяк.
Мүйүз кыяк
Кыл кыяк
Жез кыяк
Сыбызгы же кымызды. Кайсынысы музыкалык аспаптын туура аталышы?
Сыбызгы байыркы музыкалык аспаптардын бири. Бүгүнкү күндө да кеӊири колдонулуп жүрөт.
Сыбызгы
Камызды
Мындай музыкалык аспап жок
Айтылуу Токтогул акындын бир комузун учурда кайсы төкмө акын колдонуп жүрөт?
Төкмө акын Аалы Туткучев Токтогул Сатылгановго таандык комузду колдонуп жүргөнү айтыш боюнча өткөн жарыштардан улам белгилүү.
Жеӊишбек Жумакадыр
Амантай Кутманалиев
Аалы Туткучев
Сүрөттөгү музыкалык аспаптын атын табыӊыз...
Сүрөттө темир ооз комуз. Ооз комуз жыгачтан да жасалып, какма аспаптар тобуна кирет. Бул аспап бүгүнкү заманбап ырлардын аранжировкасы үчүн да кеӊири колдонулуп жүрөт.
Темир ооз комуз
Темир жетиген
Кыл тартма
Бул инсан Кыргыздын салттуу музыкасынын накта күйөрманы.
Сүрөттө белгилүү музыкант, салттуу музыканын күйөрманы Курмангазы Азыкбаев. Музыкант улуттук музыкалык аспаптардын бир нече түрлөрүн ойной алат.
Чоро Дубанаев
Курмангазы Азыкбаев
Марат Жанталиев
Чертмек деп уккан чыгарсыз, бул эмне?
Чертмек - комуздун экинчи аталышы. Комуздун эски аталышы десе да болот.
Комуздун баштыгы
Комуздун макети
Комуздун экинчи аталышы
Сүрөттөгү кайсы аспап?
Сүрөттө чопо чоор. Бул музыкалык аспап атайын тандалган, туздуу эмес чоподон жасалат. Чопо чоор бүгүнкү күндө 500 сомдон 1000 сомго чейин бааланып сатылат.
Чикилдек
Чопо чоор
Чоюн баш
Тепке деп комуздун кайсы жерин айтат?
Тепке - жыгачтан жасалып, комуздун капкагында 3 кылды өйдө көтөрүп, бири-биринен ажыратып кармап турган кичинекей элемент. Анысы жок комуздан күү чыгарып чертүү мүмкүн эмес.
Күүлөө үчүн жасалган аспаптын кулактарын
Капкакта 3 кылды өйдө көтөрүп турган жыгачты
Капкакта 3 кылдын башы байланган кайышты
"Гүлсарат", "Ак кеме"... Айтматовдун чыгармаларын унута элексизби?
Сиздин упайыңыз
5
1 |