Президент Алмазбек Атамбаев административдик жоопкерчиликти күчөткөн мыйзамга кол койду

Бүгүн президент Алмазбек Атамбаев "Кыргыз Республикасынын айрым мыйзам актыларына өзгөртүүлөрдү жана толуктоолорду киргизүү жөнүндө" КРнын мыйзамына кол койду. 2012-жылдын 11-октябрында Жогорку Кеңеш тарабынан кабыл алынган бул мыйзам жер жана кен байлыктардын мыйзамдуулугун бузган тараптардын административдик жоопкерчилигин күчөтөт. Ошондой эле КРнын Административдик жоопкерчилик кодексинин айрым беренелерине өзгөртүү киргизет жана административдик укук бузуу иштеринде айып пулдун өлчөмүн көтөрөт.