Таласта жол кырсыгы катталып, 1 адам каза болду

Талас районунда жол кырсыгы катталып, кырсыкка кабылган унаанын айдоочусу каза болуп, жүргүнчүсү жаракат алды. Бул тууралуу ӨКМнын басма сөз кызматы маалымдады.

"3-ноябрга караган түнү саат 01:37де ӨКМнын №101-өрт-куткаруу бөлүмүнүн куткаруучулары Өтмөк-Ала-Бел ашуусунда жол кырсыгы болгон жерге барышкан. Окуя болгон жерде мамлекеттик № О36-73АI номерлүү Матиз үлгүсүндөгү унаанын айдоочусу, 1968-жылы туулган А.К. жол кырсыгынан каза болгон. Куткаруучулар кырсыктан жаракат алган жүргүнчү 45 жаштагы Т.К.га биринчи медициналык жардам көрсөтүшкөн, анын абалы жакшы", - деп билдирет аталган мекемеден.