Жалал-Абад ОИИБи: "Бишкек-Ош жолунда каза болгон 10 адамдын тогузу Орусияга бараткан өзгөндүктөр болгон" (фото)

Бүгүн Бишкек-Ош жолунун 457-чакырымында жол кырсыгынан каза болгон адамдардын аты-жөнү такталууда. Учурда 9 адамдын аты-жөнү такталды. Каза болгон бир адамдын өздүгүн тактоо иштери жүрүүдө. Бул тууралуу SUPER.KG`ге ӨКМнын басма сөз кызматы билдирди.

Маалыматта айтылгандай, Хонда Степвагон үлгүсүндөгү унаа менен DAF газ ташуучу унаа бетме-бет кагылышкан.

Ал эми Жалал-Абад облусу боюнча Патрулдук милиция бөлүмүнүн башчысы Аваз Доосов Хонда Степвагон үлгүсүндөгү 8 жаран бир ымыркайы менен Орусияга жолго чыгып, кырсыкка туш болгонун айтып берди.

"DAF газ ташуучу чоң унаа жолдо башкаруусун жоготуп каршы тилкеге оодарылып кеткен. Ошол учурда Хонда Степвагон унаасы өз жолунда келе жатып күтүүсүз оодарылган DAF'ты келип сүзгөн. Натыйжада DAF автоунаанын айдоочусу жана Хонда Степвагондогу 9 адам каза болду", - деди Доосов.

Кырсыктан каза болгондордун тизмеси:

1. К.Кодиржанов, 1994 -жылы Ош облусунун Өзгөн районунда туулган;

2. Ф.Абдувалиев, 1988-жылы Ош облусунун Өзгөн районунда туулган;

3. Х.Абдувалиев, 1989-жылы Ош облусунун Өзгөн районунда туулган;

4. К.Набиджанов, 1994-жылы Ош облусунун Өзгөн районунда туулган;

5. К.Шабданов, 1977-жылы Аксы районунун Аксуу айылында туулган;

6. Б.Ашурова, 1994-жылы Ош облусунун Өзгөн районунда туулган;

7. А.Розахунов, 1989-жылы Ош облусунун Өзгөн районунда туулган;

8. Н.Расулжон кызы, 1995-жылы Ош облусунун Өзгөн районунда туулган;

9. Х.Адилбеков, 1988-жылы Ош облусунун Өзгөн районунда туулган;

10. А.Мамадалиев, 2016-жылы туулган.