КИНОЗАЛ: Эксклюзив! "Үркүн" тасмасы SUPER.KG порталында

SUPER.KG порталынын "Кинозал" бөлүмү "Үркүн" тасмасы менен толукталды.

Тасмада 1916-жылдагы Үркүн окуясы баяндалат. Ак карлуу тоону ашып баратканда тоӊуп өлгөн, карышкырга таланып жем болгондор, таяктар менен куралданган кыргыздардын атып өлтүрүлгөнү, бир табак унга кыздары сатылган кайгылуу окуялар көрсөтүлөт. Фильмдин режиссёру жана продюсери Мухтар Атаналиевдин айтымында, фильмди тартуу учурунда бир топ кыйынчылыктар жана тоскоолдуктар орун алган.

"Тасманын негизги максаты - учурдун жаштарына бүгүнкү күндөгү жашоо кандай кыйынчылык менен келгенин түшүндүрүү, жеткирүү. Эгер ушул максатыбыз ишке ашса, алар жашоону барктап, ата-бабаларына түбөлүк ыраазы болуп, алардын Кыргыз жери үчүн жасаган аракеттерин эч качан унутта калтырышпайт. Фильмди толугу менен тартып бүтүүгө 1 жыл убакыт керектелди. Тартуу учурунда кыйынчылыктар, тоскоолдуктар жаралбай койгон жок. Тагыраагы, айрым мамлекеттик кызматкерлер тасманы толук бүтүргөнгө чейин "улут аралык кастыкты козгоп жибербегиле" деген талап менен улам сайын чакыртышып, сценарийибизди текшерип, айрым жерлерди өзгөртүүгө мажбурлашты. Бирок жыйынтыгы жаман чыккан жок", - деди ал.

Ошондой эле тасмага жалпысынан 500дөн ашуун адам катышканын, актёрлор үчүн кайсы эпизодго тартылуу оор болгонун айтып берди.

"Ашуу ашып, качып бара жаткан эпизодду тартуу кыйынга турду. Күн суук, актёрлордун баары үшүп, Үркүндөгү кырдаалды жон-терилери менен сезишти окшойт", - деди продюсер.

"Үркүн" тасмасын көрүү үчүн шилтеме.