Бишкекте "Карек" балдар кинофестивалынын жеңүүчүлөрүн сыйлоо аземи өтөт

Бишкек шаарында балдар жана өспүрүмдөр арасында өткөн "Карек" кинофестивалынын жеңүүчүлөрүн сыйлоо аземи өтөт. Бул тууралуу SUPER.KG порталына Маданият, маалымат жана туризм министрлигинин басма сөз кызматы билдирди.

Маалыматка ылайык, иш-чара эртең, 15-ноябрда өтөт. Бул иш-чарада жаш режиссёрлордун тандалып алган 15 тасмасы көрсөтүлөт. Ошондой эле төмөндөгү номинациялар боюнча жеңүүчүлөр аныкталат:

- "Мыкты оюн тасма"

- "Мыкты анимациялык тасма"

- "Мыкты даректүү тасма"

- "Мыкты режиссёр"

- "Мыкты сценарист"

- "Мыкты монтажёр"

- "Мыкты оператор"

- "Мыкты актёр"

- "Калыстар тобунун атайын сыйлыгы".

Уюштуруучулардын айтымында, мындай фестивалдар балдардын киноискусствосуна болгон кызыгуусун арттырып, тажрыйба топтоого жана алдыга умтулууга өбөлгө болот.