Кочкор районунда бир күндө ар кайсы жерден үч адамдын жансыз денеси табылды

Кочкор районунда бир күндө ар кайсы жерден үч адамдын жансыз денеси табылды. Бул тууралуу бүгүн, 15-ноябрда Өзгөчө кырдаалдар министрлигинен билдиришти.

Маалыматка караганда, 14-ноябрь күнү саат 13:16да ӨКМнын №42-өрт-куткаруу бөлүмүнүн куткаруучулары Орто-Токой тилкесиндеги Орто-Токой суусунун жээгинен белгисиз адамдын жансыз денесин алып чыгарышып, милиция кызматкерлерине өткөрүп беришкен.

Ал эми 14-ноябрь күнү саат 16:22де Жылуу-Суу тилкесиндеги Чүй суусунун жээгинен белгисиз адамдын жансыз денеси табылган. Куткаруучулар жансыз денени суудан алып чыгарышып, милиция кызматкерлерине өткөрүп беришкен.

Ошондой эле 14-ноябрь күнү саат 11:45те Арчалуу тилкесиндеги тоонун боорунан белгисиз адамдын жансыз денеси табылып, куткаруучулар тарабынан алып түшүрүлгөн.