Жоопсуз сүйүүдөн 17 жашар бала асынып алды. Ал сүйгөнүнө кат жазып кеткен

Бишкек шаарынын Октябрь районунун аймагындагы үйлөрдүн биринде 17 жаштагы бала 15-ноябрь күнү асынып алды. Бул тууралуу SUPER.KG'ге 16-ноябрда Ички иштер министрлигинин алдындагы Коомдук коопсуздук кызматынын тескөөчүсү Рашид Карабаев кабарлады. Жаш жигиттин мындай жолго баруусуна жоопсуз сүйүү түрткү болгон. Ал Бишкектеги колледждердин биринде окучу.

"Өз жанын кыйган бала сүйүү катын жазып кетиптир. Учурда иш териштирилип жатат. Жаш жигит иниси менен бирге жашачу экен", - деди Карабаев.

Өз жанын кыйган бала Чүй облусундагы Панфилов районунун тургуну болгон.

Эскерте кетсек, 14-ноябрда да Сокулук районунун Асыл-Баш айылында жашаган 9-класстын окуучусу асынып алган.

ИИМдин маалыматы боюнча ушул жылдын 10 айында эле 83 мектеп окуучусу өз өмүрүнө кол салган. 83түн 68и мектепте, 9у колледжде окугандар болсо, 5 бала мектепте окубагандар. Анын ичинен 58и эркек балдар, 28и кыздар. 1 факты боюнча кылмыш иши ачылып, иш тергөөдө. Жоопсуз сүйүү үчүн өз жанын кыйган 12, 2016-жылы 22 факты катталган.