Супер-Инфо
super.kg видео
ТЕСТ: Бир айга созула турган футбол майрамына даярсызбы? Анда тесттен өтүңүз
Бүгүн, 14-июнда Орусиянын Москва шаарында спорт дүйнөсүндөгү эң ири иш-чаралардын бири болгон футбол боюнча Дүйнө чемпиондугу старт алат. Буга байланыштуу SUPER.KG порталы сизди Дүйнө чемпиондуктарынын тарыхы тууралуу тесттен өтүп, өзүңүздүн футбол боюнча билимиңизди текшерип көрүүнү сунуштайт.
кошулду
1
2
3
4
5
6
7
8
9
10
11
12
13
14
2022-жылы Дүйнө чемпиондугу кайсы өлкөдө өтөт?
2022-жылы Дүйнө чемпиондугу Катарда өтүп, футболдун тарыхындагы кыш мезгилинде өтүүчү алгачкы Дүйнө биринчилиги болмокчу.
Орусияда өтөт
Катарда өтөт
Испанияда өтөт
Францияда өтөт
2018-жылы өтө турган Дүйнө чемпиондугунун байге фонду канча миллион долларды түзөт?
Орусияда өтүүчү мелдеште Дүйнө чемпиондугунун тарыхындагы эң чоң байге фонду болуп, 400 миллион долларды түзөт.
150 миллион доллар
200 миллион доллар
300 миллион доллар
400 миллион доллар
Учурдагы Дүйнө чемпиону кайсы курама команда?
Бразилияда 2014-жылы өткөн Дүйнө чемпиондугунда биринчи орунду Германия курамасы багындырган. Ал жарым финалда талаа ээлери болгон бразилиялыктарды 7:1 эсеби менен жеңип, финалга өткөн. Финалда немецтер Аргентина командасы менен кез келип, оюндун аягына 7 мүнөт калганда Марио Гётценин голу Германия курамасын чемпион кылган.
Кыргыз Республикасы
Германия
Испания
Бразилия
2018-жылы өтө турган Дүйнө чемпиондугунун расмий топтун аталышы кандай?
2018-жылы өтө турган Дүйнө чемпиондугунун расмий топтун аталышы Телстар 18 (Telstar 18).
Красава 18
Руссо туристо
Телстар 18
Путин 2018
Дүйнө чемпиондуктарынын тарыхындагы мыкты бомбардир ким?
Дүйнө чемпиондуктарынын мыкты бомбардири Германия курама командасынын чабуулчусу Мирослав Клозе. Ал чемпиондуктарга 2002, 2006, 2010 жана 2014-жылдары катышып, жалпы 16 гол жараткан. 2014-жылы Клозе Бразилиядагы Дүйнө биринчилигинде 2 гол киргизип, бразилиялык футболчу Роналдонун рекордунан (15 гол) ашкан.
Диего Марадона (Аргентина)
Роналдо (Бразилия)
Мирослав Клозе (Германия)
Андрей Шевченко (Украина)
3 ирет Дүйнө чемпиондугун багындырган футболчу ким?
Дүйнө биринчилигин 3 ирет жеңип алган футболчу – Пеле. Ал алгачкы Дүйнө чемпиондугуна 17 жашында катышып, 1958, 1962 жана 1970-жылдары чемпиондукту багындырган.
Пеле (Бразилия)
Диего Марадона (Аргентина)
Криштиану Роналду (Португалия)
3 ирет Дүйнө чемпиондугун багындырган футболчу жок
Футболдун тарыхында Диего Марадонага байланыштуу “Кудайдын колу” деген түшүнүк эмнеден улам жаралган?
Диего Марадона 1986-жылы Дүйнө чемпиондугунун чейрек финалында Аргентина-Англия беттешинде колу менен гол киргизген. Башкы калыс Марадона голду башы менен киргизди деп, Англиянын оюнчуларынын нааразычылыктарына карабай голду эсептеп койгон.
Диего Марадона дарбазага туруп, соккуну колу менен тоскон
Диего Марадона колун сындырганына карабай оюнду уланта берген
Диего Марадона колу менен гол киргизген
Диего Марадона утулган команданын оюнчуларын таптаган
Бул сүрөт кайсы окуядан алынган?
Бул окуя 2006-жылы Германияда өткөн Дүйнө чемпиондугунун финалында орун алган. Италиялык команданын коргоочусу Марко Матерацци Франция курамасынын капитаны Зинедин Зидандын эжесине шек келтирген. Буга жини келген Зидан Матераццини маңдайы менен төшүнө сүзгөн.
Зидан Матераццини маңдайы менен төшүнө сүзгөн
Зидан менен Матерацци топ үчүн күрөшүүдө
Зидан Матераццини муштуму менен бетине урган
Мындай окуя болгон эмес, бул сүрөт фотошоп менен жасалган
Дүйнө чемпиондуктарынын тарыхында канча өлкө чемпион болгон?
Дүйнө чемпиондуктарынын тарыхында 8 курама команда гана чемпион болгон. Эң көп титулдардын саны Бразилия курамасында (5), Италия менен Германия мундиалды 4 жолудан жеңген. Аргентина менен Уругвай 2 жолудан жеңсе, Англия, Франция жана Испания 1 жолудан чемпиондукту багындырган.
12
6
9
8
1930-жылдан бери Дүйнө чемпиондуктарынын бардык финалдык этабына катышкан жалгыз курама команда кайсы?
Футбол тарыхында Дүйнө чемпиондугунун бардык финалдык этаптарына катышкан команда - бул Бразилия. Калган командалар тандап алуу этаптардан өтпөй калган учурлар болгон.
Англия
Бразилия
Германия
СССР
Дүйнө чемпиондугуна тандап алуу этабында Бишкекте өткөн Кыргыз-Австралия беттеши кандай эсепте жыйынтыкталган?
Дүйнө чемпиондугуна тандап алуу этабындагы Кыргыз-Австралия командаларынын беттеши 1:2 эсебинде жыйынтыкталган.
Кыргыз 1:2 Австралия
Кыргыз 1:0 Австралия
Кыргыз 2:3 Австралия
Кыргыз 0:3 Австралия
Орусияда 2018-жылы өтүүчү Дүйнө чемпиондугуна Кыргыз курама командасы эмнеге катышпайт?
"Дүйнө чемпиондугу-2018" мелдешине Азия континентинен тандап алуу этабында Кыргыз курама командасы Иордания, Австралия, Тажикстан жана Бангладеш курама командалары менен бир тайпада болгон. Жыйынтыгында Кыргыз курама командасы тайпада 3-орунда жайгашып кийинки этапка өтпөй калган.
Катышуудан баш тарткан
Мундиалга катышуу укугу жок
Тайпадан 3-орунда жайгашып чыкпай калган
Митингдердин айынан мундиалга катышууга тыюу салынды
Алгачкы Дүйнө чемпиондугуна канча команда катышып, кайсы команда жеңүүчү болгон?
Алгачкы Дүйнө чемпиондугуна жалпы 13 өлкөнүн курама командалары катышкан. Финалдык беттеште Аргентина менен Уругвай кездешкен. Анда Уругвай курамасы 1-таймда жеңилип баратып, 2-таймда эсепти 4:2ге жеткирип, чемпиондукту багындырган.
20 команда катышып, Бразилия чемпион болгон
13 команда катышып, Уругвай чемпион болгон
18 команда катышып, Англия чемпион болгон
32 команда катышып, Кытай чемпион болгон
Алгачкы Дүйнө чемпиондугу кайсы өлкөдө жана канчанчы жылы өткөн?
Футбол боюнча алгачкы Дүйнө чемпиондугу 1930-жылы Уругвайда өткөн.
1917-жылы, Кыргыз жергесинде
1918-жылы, Германияда
1924-жылы, Бразилияда
1930-жылы, Уругвайда
"Гүлсарат", "Ак кеме"... Айтматовдун чыгармаларын унута элексизби?
Сиздин упайыңыз
8
1 | 2 |