Казакстандык кыз орустардын "Serebro" тобунун жаңы курамына кабыл алынды

Казакстандын Актөбе шаарынын 19 жаштагы тургуну Татьяна Моргунова орустардын "Serebro" тобуна мүчө катары кабыл алынды. Бул тууралуу казак басылмалары жазып чыгышты.

Маалым болгондой, Татьяна буга чейин фитнестен машыктыруучу болуп эмгектенген. Кийин "Serebro" тобу жаңы солистке кастинг жарыялап жатканын угуп, өзүн сынап көрүүнү чечет. Мындан улам бир канча кыздардын ичинен өз жөндөмүн мыкты көрсөтүп, бардык суроо-талаптарга жооп берген. Ошондой эле топтун продюсери Максим Фадеевдин сынагынан ийгиликтүү өтүп, топко кабыл алынган.

"Татьяна Моргунова - топтун жаңы солисти. Бул курам 2018-жылдан тарта өз ишин баштайт. Ал эми ушул жылдын аягына чейин Полина Фаворская өзү ырдай берет", - деген Фадеев.

Белгилей кетсек, буга чейин "Serebro" тобу мурунку солисти Полина Фаворскаянын ордуна жаңы кыз издеп жатканын жарыялаган.