ӨКМ: “2012-жылдан бери 1 660 өзгөчө кырдаалдар катталды”

2012-жылдан 2017-жылдын октябрь айына чейин 1 660 өзгөчө кырдаалдар катталган. Бул тууралуу бүгүн, 21-ноябрда Өзгөчө кырдаалдар министрлигинин басма сөз кызматы билдирди.

Маалыматка ылайык, анын кесепетинен 480 адам каза болуп, материалдык чыгым 5 миллиард 794 миллион 100 сомду түзгөн.

“Өзгөчө кырдаалдардын ичинен жер титирөө 19 жолу, жер алдынан чыккан суулар 29 жолу, катуу бороон 4 жолу, муз каптоо 18 жолу, мөндүр 20 жолу, суу ташкыны 75 жолу, жаратылыштагы чоң өрттөр 2 жолу, үшүк жүрүү 5 жолу катталган”, - деп жазылат маалыматта.