Колумбия бийлиги чөгүп кеткен кемедеги 10 кишини издөөдө

Колумбия жана Венесуэланын чек арасына жакын аймактагы Ориноко дарыясында жүргүнчүлөрдү ташыган кеме чөгүп кетип 10 киши дайынсыз болууда. Бул тууралуу Колумбия бийлиги бүгүн, 22-ноябрда маалымдаганын чет өлкөлүк маалымат каражаттары жазышты.

“Чөгүп бараткан кемеден 8 адамды (арасында 1 кичинекей бала бар) куткарып калууга мүмкүнчүлүк болгон. Ал эми 10 кишинин денеси Колумбиянын жарандарды коргоо департаментинин кызматкерлери тарабынан изделүүдө”, - деп билдирди аты аталган өлкө бийлиги.

Алдын ала маалыматтарга таянсак, кырсык жүргүнчү ташуучу кеме дарыядан кыймылдаткычы иштебей калган башка жер-жемиш ташуучу кемеге кез келип, ага көмөктөшүп жаткан маалда дарыянын алдындагы ташты сүзүп алгандан келип чыккан.