"Титаниктин" режиссёру Жеймс Кэмерондун жаңы тасмасына кайрадан Кейт Уинслет тартылат

"Титаник" тасмасынын башкы каарманы Кейт Уинслет аталган фильмдин режиссёру Жеймс Кэмерон тарта турган "Аватардын" уландысына тартылат. Бул тууралуу чет элдик маалымат булактары жазып чыгышты.

Белгилүү болгондой, фильмде суунун түбүндө тартыла турган эпизоддор көп кездешет. Анда актриса эч кандай аквалангдын жардамысыз өзү сүзүүсү зарыл.

"Фильмге 7 жаштагы бала жана 6 өспүрүм катышат. Алар менен иштешүү өтө оор. Анткени тасманын көбү суунун ичинен тартылгандыктан аларды аквалангсыз сүздүрүү кыйынга турууда. Ал эми башка актёрлор акырындан өздөштүрө башташты", - деген режиссёр.

"Азырынча фильм качан жарык көрөрү белгисиз. Айта кетсек, "Титаник" тасмасында 12 мүнөттүк суунун ичинде тартылган эпизоддорду тартуу үчүн толук 2 ай талап кылынган. Эгер көпчүлүк бөлүгү суу ичинде тартыла турган "Аватарга" да ошондой убакыт талап кылынса, болжол менен 2020-жылдары элге көрсөтүлсө керек", - деп жазышкан чет элдик маалымат каражаттары.