Казакстандын белгилүү продюсери Баян Максат кызы жакында турмушка чыга турганын жарыялады

Казакстандын белгилүү продюсери Баян Максат кызы жакында турмушка чыгат. Бул тууралуу ал өзү интернеттеги социалдык тармактагы баракчасы аркылуу коомчулукка жарыялады.

"Жалпыга маалымдоо каражаттары мен эң биринчи орунда аял, эне, кыз, эже жана курбу экенимди унутуп коюшкан. Алар үчүн мен киреше алып келүүчү жана эң көп талкуу жарата турган нерсемин. Анда эмесе, мына! Мен турмушка чыгып жатам. Эми бул жаңылыкты канча жалпыга маалымдоо булактары жазып чыгарын карап тургула", - деген ал.

Продюсер бул сөздөрдү жөн эле журналисттерди сыноо үчүн жаздыбы же чынында жакынкы күндөрү турмуш жолуна аттануу алдында турабы белгисиз. Бирок анын интернетке жүктөгөн сүрөтүнөн аты жогундагы нике шакегин байкоого болот.

Эске салсак, Баян Максат кызы 2016-жылдын июнь айында мурунку күйөөсү тарабынан катуу ур-токмокко алынып, оор абалда ооруканага жаткырылган эле. Арадан көп өтпөй жаңы сүйүктүүсү Турсенгали Алагузов колун сураганын билдирген.