Чүй ОИИББи: "Патрулдук милициянын кызматкери аялы менен уруша кетип өзүнүн бөйрөгүнө бычак сайып салды"

Кара-Балта шаарында Патрулдук милициянын кызматкери өзүн-өзү өлтүрүүгө аракет кылып, бөйрөгүнө бычак сайып алды. Учурда ал райондук ооруканада жатат. Бул тууралуу бүгүн, 4-декабрда SUPER.KG'ге Чүй ОИИББинин басма сөз кызматынын ага тескөөчүсү Нурбек Токтосунов билдирди.

Анын айтымында, Патрулдук милициянын 1990-жылы туулган Э.Н. аттуу кызматкери аялы менен чырдаша кетип өзүн-өзү өлтүрүүгө аракет кылган. "Буга чейин айрым ЖМКларда Патрулдук милиция кызматкерине кол салуу болгону боюнча маалымат тарап кетти. Бул чындыкка жатпайт. Келинчегинин айтымында, экөө чырдаша кетип Э.Н. өзүнө өзү кол салып, бөйрөгүнө бычак менен сайып жиберген. Учурда райондук ооруканада жатат. Окуя болгон үйгө милиция кызматкерлери барып, далилдүү материалдарды чогултушту. Учурда тийиштүү экспертиза дайындалып, кызматтык иликтөө жүрүп жатат", - деди Токтосунов.