Казакстандык продюсер Баян Максат кызы турмушка чыкты

Казакстандык белгилүү продюсер Баян Максат кызы (Есентаева) турмушка чыкты. Бул тууралуу ал жеке баракчасы аркылуу коомчулукка жарыялады.

Баян Максат кызы интернетке сүйүктүүсү Турсенгали Алагузов менен кыскача видеосун жарыялап, алдына Алагузова Баян Максатовна деген билдирүүсүн калтырган. Белгилүү продюсердин бул жарыясынын алдына көптөгөн интернет колдонуучулар билдирүүлөрүн жазышып, түгөйлөргө бакыт каалашкан.

Көп өтпөй түгөйлөр баш кошушканын Турсенгали Алагузов өзү жергиликтүү маалымат каражаттарына тастыктап, сүйүктүүсү анын фамилиясын алганын кабарлаган. Ошондой эле ал үйлөнүү үлпөт тою кийин боло тургандыгын билдирген. Түгөйлөр ушул жылдын жаз мезгилинде эле баш кошууну көздөп жүрүшкөн. Бирок Алагузов биринчи жубайы Ляйсира Алагузова менен ажырашуу боюнча документтери толук бүтө электигине байланыштуу кийинкиге калтырылган.

Эске салсак, буга чейин Баян Максат кызы жакында турмушка чыга тургандыгын жарыялаган эле.